ទាក៏អាចឲ្យគេរក្សាទុកក្នុងរយៈពេលយូរបានដែរ
ដូច្នេះការប្រឡាក់ពងទា (ត្រាំ) ចាមួយទឹកអំបិល គឺជាវិធីរក្សាវាទុកឲ្យបានយូរដែរ។
ការត្រាំពងទានៅក្នុងទឹកអំបិលទុក អាចឲ្យយើងយកវាមកប្រើការនៅពេលណាក៏បាន មួយវិញទៀតនោះ វាស្អាតស្រាប់ផង មិនដូចជាពងទាប្រៃទិញពីផ្សារ ដែលប្រឡាក់ផេះអង្កាមប្រៃ ត្រូវយកមកលាងទឹកសំអាតសិននោះទេ។
ការធ្វើពងទាប្រៃដោយខ្លួនឯងអាចជួយធ្វើឲ្យយើងចំណេញប្រាក់ផងដែរ ព្រោះវាចំណាយអស់តិចក្នុងការធ្វើបើប្រៀបធៀបជាមួយពងទាប្រៃដែលទិញមកពីផ្សារ។ អ្វីដែលត្រូវការ :
- - ពងទាចំនួន ១២ ត្រូវរើសយកពងណាមានពណ៌ក្រហមល្អ និងមានទំហំធំបង្គួរ
- - ទឹកចំនួន ១២ពែង
- - អំបិលចំនួន ៦ពែង
- វិធីធ្វើ :
- - ដាក់ទឹកក្នុងឆ្នាំងមួយ ដាក់អំបិលចូល កូរឲ្យរលាយដាក់ដាំលើភ្លើងរហូតពុះ លើកចេញទុកឲ្យវាត្រជាក់
- - លាងពងទាឲ្យស្អាត ជូតឲ្យស្ងួត
- - យកកែវធំមួយចាក់ល្បាយទឹកអំបិលចូលបន្តិច ក្រឡុករួចចាក់ចេញវិញ
- - តម្រៀបពងទាទៅក្នុងកែវនោះ ដោយប្រយ័ត្នកុំឲ្យបែក រួចទុកវានៅទីមួយឆ្ងាយពីកំដៅ និងគ្មានសំណើម
- - បន្ទាប់ពីរយៈពេល ១២ថ្ងៃ ពងទាប្រៃនេះអាចប្រើការយកមកចំអិនជាម្ហូបបានហើយ
- - ស្ងោរពងទាប្រៃត្រឹមតែ ១០នាទីបានហើយ។ ពងទាប្រៃធ្វើតាមរបៀបនេះ អាចរក្សាទុកបានច្រើនខែ ប៉ុន្តែពងក្រហមខាងក្នុងរបស់វា មិនបានក្រហមដូចជាការធ្វើប្រឡាក់ផេះអង្កាមប្រៃនោះឡើយ៕
No comments:
Post a Comment